Jowai: U Aditya Prasad, uwa yaleh mukotduma da ka PIL haka Supreme Court yow sai ya ki 16 ngut kiwa chah kset hapoh ka krem mooyong wa em ha Ksan. Ynne ka sngi da yoh u yahcem wa ki kattu katni kiwa ha yung ha sem kiwa chah kset yow yaklam wa ki yow sñiawthooh yeiwa kwah ki yow tip kammon u pyntip leh cha ka Supreme Court.
Neiliang u DC leh da yaklam u wa kiwa em yatoh kiwa chah kset.
Hei yatoh won wa i chna ya ki Platform wow pynchong ya ki Pump wa dang rah thymme da jan dep ka wow booh ha ka krem mooyong wa 8 wa 9 wei i kreh wow booh ya ki Platform hajrong ka krem mooyong wa 10 wa 11 leh da sdang u chna.
I taan um dang pteiñ i kamwa jooh heiwa ka CIL ynne ka sngi da pynemkaam lang ko da 35 kynta ki ar tylli ki Pump yong ka kawi 17 kynta katwa kawi 18 kynta wei da sai um 4725000 liter.
Ka Kirloskar da taan um ko 16 kynta deiwa pynemkaam du ka wi ka Pump da 16 kynta hadooh 5 waje i janmiet ynne ka sngi wei da sai um 1440000 liter.
Ka KSB da da taan um ko 32 kynta (mar 16 kynta) na ki ar tylli ki Pump hadooh 5 waje i janmiet ynne ka sngi wei da sai um 6336000 liter.
Discussion about this post