Jowai : Ka Rotary Club ka Jowai (RID-3240) ynne da pdiang ko ya u District Governor u Rotarian Chandu Agarwal ha Circuit House Jowai.
I thmu wa kongsan wa wan uni u District Governor toh yow e mynsien wei kamjooh u yah luti ya ki dkhot ka Rotary Club Jowai yow pynbha pynmiat chooh chooh yei rukom krehkaam yong ka.
Ya kani ka yalang da pyllai da ka President ka Rotary Club Jowai kong Rtn. T.B. Tongper (RFSM) heiwa da pdiang burom ya kiwa chah khut sñiawbha da ka Vice President ka Rtn. E.F. Gatphoh (MPHF).
Ya ki kaam yong ka Club wa da dep kreh ko ha uni u snem wa da dep da pyntip da u Secretary u Rtn. B. Lamar (RFSM) heiwa da pyntip u wa ka Club da dep pynman ki ya i pynkhooid ya ka Khliehriat ka Kiang ha ka 17 tarik u Ñaichiphaw 2015, da pynkup burom leh ya u Risly Siangbood uwa sikai kammon u pychna pynriam ya ki jhep wa man ka sngi. Da pynkup burom leh ya arngut na chnong Mootyrchiah kiwa pynkylla dur ya u Loomtiniang kam kawi na ki thaw lai uiñ ke sawari.
U Rtn Chandu Agarwal, District Governor RID, 3240 da pynkynmoo u ya waroh ki dkhot ka Rotary Club Jowai wa ym toh waroh man i ki bru wa dap wa biang nadooh ka poisa, i chait i khiah kamtæ da pynkynmoo ya i ktien imsngi yong ka Rotary Club ha uni u snem toh “Be a Gift to the World” kamtæ da pynchlur u ya waroh u noh kyllooid mynsien ki neibhah ka Rotary Club leh da tipmit ya ka da ka UN kam kawi na kiwa yarap poisa yow pyndooh jait ya ka kjut Polio.
Neiliang ka Rotary Club Jowai da pyntip ki wa da pynpoi ki ka yarong poisa ki cha ka 1500 US Dollar cha ka seiñbei.
Ha kani ka sngi leh da yoh yei rwai na ki khynnah skru iwa da chna ka dkhot warim ka Rotary Club Jowai ka kong Phidelia Toi.
Discussion about this post