Ynne ka sngi ka Wangala 100 Drums Festival yong ki jaitbru Garo da poi noh ko cha wakut, kani ka lehkmen da pynman ya ka khlieh u snem hadien wa dadep ah ya u kba ha Garo Heritage Village, Chibragre iwa em hajan Tura, West Garo Hills.
Ha kani ka lehkmen da pyndep leh ya ka lehniam Rugala da u Nokma (khlieh ka chnong) heiwa da pynkhreh ya i pyrnah i ja wa ki jhoor wow e ngooh ya ka Misi Saljong.
U Montri Rangbah ka jylla, u Conrad Sangma da lai sakhi u ya kani ka lehkmen heiwa da ekhublei Wangala u ya waroh ka jylla wei khamtam ya ki paidbah ka Ri-loom Garo heiwa du lyngba kam kini ki lehkmen daw ye u pynneh ya ka jaitbru.
Da ong u wa ka sorkar leh daw kyrchaan bha ko ya kam kini ki lehkmen wa ki lehniam ym du hapoh Ri-loom Garo tangwa ha waroh kawi ka jylla.
Da khana u leh wa ka sorkar da booh ko T. 10 klur neibynta wow chna ya ka Heritage Village ha Wangala A’dan yow pynneh pynsah ya ka dustur riti ki Garo.
