Jowai: Ynne ka sngi ki 15 ngut ki chipai ngam um (Divers) na ka Indian Navy da wanpoi ki ha Ksan, East Jaiñtia Hills hei thaw wa chah kset ki 15 ngut hapoh i krem mooyong nadooh ka 13 tarik uni u bnai.
Chooh chooh ynne ka sngi da wanrah leh ya ki kor (pump) yong ka Coal India Limited wow yarap wow sai ya kani ka um na kani ka krem mooyong chirup wa kiwa kreh ka Odisha Fire Services.
Katkam wa man hi hadooh ynne ka um hapoh kani ka krem dang neh bait ko kamjooh.
Ha kani ka jooh ka sngi da wan hiar leh u MP ka Shillong, u Vincent H Pala wow booddien ya i kreh wow pynlait ya kini ki 15 ngut.
Ya kini ki Pump hadien wa pyndait ya ki u sdang pynkrehkaam ya ki nadooh i step ka 30 tarik.
Ki kiwa ngam um ka Navy toh kiwa na Vishakhapatnam kiwa da yoh yei pyntip bniah na ki dkhot ka NDRF yei rukom man kani ka rukom tih mooyong.
Da em leh kiwa thoh khubor na ki News Channel ka ri ha kani ka sngi wa ki dkhot ka National Disaster Management Authority.
Discussion about this post