Wanrah burom ki khynnah ka KNGC ha ka Result B.Sc ka NEHU

Jowai: Ynne ka sngi ki ar ngut ki khynnah puræ ka Kiang Nangbah Government College (KNGC), Jowai da wanrah naam rah burom ki ya kani ka thaw puræ hadien wa pynbna ka NEHU yaka Result yong ka Bachelor of Science (B.Sc) heiwa kini ki ar ngut da mih pyrtuid ki kam ki Top Ten ha jar jiar ki Subject yong ki.

Kini ki ar ngut kynthup ki ya u Bedingfield Lyngdoh uwa da yoh yei kyrdan wa ynru ha ka Subject Mathematics wa ka Wandaka Langstang kawa da poi hei kyrdan wa khynde ha ka Subject Physics.

Hajrong ini waroh, neilang u Principal wa ki wakreh kani ka thaw puræ da pynsñiaw ki ya ki kyntien kmen kynrien sñiawbha neibhah kini kiar ngut da wanrah naam ki ym du ya ka ki samen namo ka yung ka sem tangwa wot ya ka College wa ka jaitbru waroh kari.

Ki wakreh kani ka thaw thrang angbood ki leh wa kiwa boon hi u bood ki ya ki dak-kjat kini ki ar ngut khnang wow man ka mynried yong ki kawa tyrchaaiñ.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024