Jowai : Ki khynnah ka West Jaiñtia Hills da wanrah burom ki ya ka West Jaiñtia Hills District ha kani ka State Level Inter School Athletic Meet wa dang dep pynman ha kani ka 8,9,10 tarik ha Shillong deiwa yoh ki u rah 30 tylli ki takma.
Ha kani ka Athletic Meet da em 70 ngut kiwa cha jied na West Jaiñtia Hills kiwa wan bha cha khmat ha kani ka Inter-School Athletic meet wa dang dep pynman ha Jowai.
Na kini ki 70 ngut da yoh u Confirm Bang yei naam ‘Best Athlete U-16 Boys’, ka Pynhun Shulet da yoh ko yei naam ‘Best Athlete A-16 Girls,’ u Marso Kyndait da yoh u yeinaam ‘Best Athlete A-16 Boys’. Da rah ki leh yei naam ‘Best Team Boys’ wa ka ‘Best Team Girls’ wei yei naam ‘Overall Champion’ da ka West Jaiñtia Hills ha kani ka State Level Inter School Athletic Meet.
Ki takma wa yoh khur ki man ki kamni næ:
Takma Ksiar-13, Takma Rupa-9 wa Takma Tama-8.
Ka kong S. Rapsang kawa man kam ka Athletic Coach yong ka West Jaiñtia Hills ong ko wa ki khynnah wa em hapoh i pait yong ka ha ka district man ki kiwa dohyap wei kreh chitom wei ha ki em i yukit wa khia bha neibhah wa hapoh ka jylla em du arngut donhi ki Athletic Coach ha West Jaiñtia Hills wa ha Ri-Bhoi.
Kamtæ kini ki ar district da yooluti u wan ki chakhmat wei da man sakhiat i hei wa ka Ri-Bhoi da wan wa wa ar ko hadien ka West Jaiñtia Hills.
Ong chooh chooh ka kong Rapsang, hanlada kattæ leh hapoh ka district dang boon i duna i wow ye u yarap ya ki khynnah kiwa ka-it athletics yow ye ki u nang ku cha khmat yow pynku yei kyrdan yalehke ki.
Discussion about this post