Jowai: Kiwa mihkhmat ya ka jylla Meghalaya hapoh ka lama ka Meghalaya Jeet Kune Do Association wa kynthup ya san ngut ki chynrang wa ar ngut ki kynthai na ri-loom Khasi wa Jaiñtia da wanrah burom ki ya ka ri wa ka jylla kamjooh ha ka International & Thai Martial Arts Games And Festival 2018 wa pynman ha Bangkok Thailand kawa sdang nadooh ka 12 tarik uni u bnai.
Ya kani ka lympung ya dat da pynman da ka World Muay Thai Organization wa ka Kru Muay Thai Association kawa da tipmit da ka sorkar Thailand Government.
Kiwa mihkhmat na Meghalaya da jop ki san tylli ki takma ksiar wa ar tylli ki takma rupa wa ka wi ka takma tama.
Kiwa yoh takma ksiar toh u Nangteishaphrang Nongkynrih ha ka kyrdan 27 Kg Sub Junior Boys Light Contact, ka Ribhalin Marbaniang ha ka kyrdan 37 Kg Sub Junior Girls Light Contact, u Juhpaujuh Nongtdu ha ka kyrdan 55 kg Junior Boys (Full Contact) wa u Ferdinand Suchiang ha ka kyrdan 55 Kg (Full Contact ) Senior Men.
Ya ka takma rupa da yoh ka Lazarus Rongkhang ha ka kyrdan 60 Kg Junior Girls Light Contact wa u France Maiong ha ka kyrdan 60 Kg Light Contact, katwa ya ka takma tama da yoh u Ferdinand Suchiang.
Katwa haka yakop Tang Soo Do da yoh le tylli ki takma rupa wa kynthup ya ka ka Lorenza Songthiang, ka Ribhalin Marbaning wa u Juhpaujuh Nongtdu katwa ya ka takma tama da yoh u Jarmin Sangma.
Hadooh 71 tylli ki ri na kylleiñ soo dong ka pyrthai da wan chimbynta ki ha kani ka lympung.
Ya kiwa mihkhmat ya ka ri India da yahkhmat da u Donny Raphael Ranee.
Discussion about this post