Jowai: U khynroo Khroo Meda Dkhar wa puræ ha KJP Synod Mihngi Higher Secondary School Jowai, uwa dapoi haka kyrdan 6th Position haka thup Top 10 ka Result Higher Secondary School Leaving Certificate (Science Stream) wa pynbna daka MBOSE hynne ka sngi da ong u wa nyngkong toh u booh yow Blai hakhmat wei wow man kiwa kreh chitom neibhah deiwa leh kamtæ waroh man i iwa jop, nalor wym hoi leh u dooh kyrmen ha iwon iwon i kaam wa leh.
Da ong haroh u wa katwon dap u dei kmen wa khroo hadien wa yoo u yei pyrtuid haka Top 10 List neibhah wym em poi pyrkhat u wow poi hadooh kani ka kyrdan, kat kamtæ hajrong ini e u i sñiawngooh yaka ka bei, u pa, kiwa hayung hasem, kiwa sikai kamjooh ya waroh kiwa yarap ya oo.
Heiyatoh wa i rukom khreh kot, da khana u wa jooh pynlut u yei por kamwa 3 hadooh 4 kynta man ka sngi, katwa heipor jan Exam won pyllut u yei por hei khreh kot kamwa 12 kynta chisngi.
U Khroo Meda Dkhar toh u khon wa 4 napyrdi 5 ngut chipayu yong ka Cheba Dkhar wa u Biggun Passah wa chong wa sah ha Chilliangraij Jowai. Yaka Class 10 da pyndep u na Jowai Public School deiwa yoh 79%.
Kamtæ ka thong yong oo cha khmat wei i angnood u leh toh wow lai puræ MBBS.
Discussion about this post