Ka seiñ HITO da yachem ko wa u Symbood Montri Rangbah ka jylla, u Sniawbhalang Dhar uwa pait leh ya ka chnat Transport yow wanrah da ka Meghalaya Motor Vehicle Rules neibhah ki kyndon ka aiñ ka sorkar pyrdi da ktah bha ko ya ki paidbah neidaw wa joor sy’at ki kuna khamtam ya kitu kiwa im ja deiwa kamai kari.
Da e nongmuna yeiwa leh ka jylla Assam kawa em ya ka Assam Motor Vehicle Rules 2003 kawa ye ka Meghalaya wow pynbood heiwa kani ka aiñ da booh ko ya ka bai pynthymme kot, ka bai dan hadooh ki kuna.
Da ong leh wa deiwa em da ka aiñ ka Meghalaya hi, daw ye u pynduna ya ka bai yaleh License, ka bai Permit hadooh 50% iwa daw pynstiñ ya ki paidbah neibhah kamwa man kattæ ka kuna ya kiwa slem wow pynthymme ya ki kot ki slai dapoi ko hadooh Rs. 10,000.
Da e tyrwa leh wow thung da ka Committee yow yoh laad ki bru kamjooh ki seiñ wow pynsñiaw iyi wa toh u em hapoh kani ka aiñ.
Da e buit leh wow pynkrehkaam da ki e-Challan yow ye ki bru u su ya ka kuna yow tikna wa ka poisa lai bait ko cha ka sorkar wei ym em kiwa leh tooh, i pynbaam tyngka wei i pynemkaam bakla ya ka poisa.
Discussion about this post