Ka Cozi Cars Shillong kawa em ha Mawiong wa Pynthorbah deiwa ya krehlang wa ka Garware Hi-Tech da wai ko ya kawa nyngkong dooh ka Garware Paint Protection Film Application Studio ha Meghalaya ha ka 25 tarik uni u bnai.
Ka Garware toh kawa du ka donhi wa chna ya ki Paint Protection Film, Sun Film wa Architecture Film ha India, wei da wanrah ya kini cha Meghalaya ha Cozi Cars Shillong yow yarap yada yei rong ki kari hei dor wa biang deiwa e Warranty le snem hadooh waroh ki chi rta ka kari deiwa ong leh wa kiwi da leh ki yeini deiwa pynemkaam da ki mar wa toh dor ki wym miat wym neh slem kiwa da chna ha China.
Yei wai paidbah ya kani ka Paint Protection Film Application Studio da wan wow leh da u Zonal Manager East India ka Garware, u Rakesh Kumar, u Regional Manager North East India, u Mrinal Mishra chirup i emlang u tre ka Cozi Cars, u Franky Joshua Lyngdoh deilang kiwa ha-yung ha-sem wa ki lok ki jor wa kiwi de.
Ki Paint Protection Films ka Garware toh kiwa da chna da ka hi wei kamwa 60% ki mar da wanrah na USA wa na kiwi won ki ri sepsngi.
Kamtæ da kyntu ya kiwa chong chnong ka Meghalaya kiwa maya ya ki kari yong ki wow wan pyrchang u biah da kini ki Paint Protection Film yow lait u khoh i rong kari, yow lait u chong um i rong kari, kiwa pna ye hi wow pynbha ya idæ, kiwa yada nei chit ka sngi (UV) kamjooh wow yada yei rong kari nei sied ki moo hawa lai wa wan.
Discussion about this post