Wanrah ka Karnataka da ka Bill yow e kreh 100% ya ki tre jylla ha ki karkhana ki bru samen

Ka sorkar Karnataka da mynjur ko ya ka Bill wow e 100% i bhah kreh cha kiwa chong chnong ka jylla ha ki jait kreh wa man kam ki C wa D Grade ha ki yung krehkaam ki bru samen namo ki Private Industries.

Ini i leh ka sorkar da wanrah i chiboon i beiñ na ki heh ki Company ki bru hadooh wa u Montri Rangbah ka Karnataka, da hap u wow ong wa daw khut yaklam ka sorkar ya ki chwa wow pynkrehkaam ya ka aiñ.

Kiwa khñium ya kani ka aiñ da ong ki wa ymtoh u ktah ko yei naam ka jylla kam kawa bna naam ha ki kaam wa yatoh wa ka stat Technology neibhah emkaam ki bru kiwa stat wei toh u e laad ya kiwa na baar leh wow ksoh ki ya ki kaam katkam ka kyrdan wa dep puræ puthi.

Em won kiwa ong toh u pyndam ya kam kani ka aiñ neibhah wa man ko pyrchah ya ka riti synchaar wei kawa kwah wow pynsahdien ya ka jylla.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Kani ka aiñ da ong ko leh wa kawon kawon ka karkhana, ka yung krehkaam ki bru samen toh u thung ki 50% da ki tre jylla yow man kam ki Manager, 70% ha ki kaam wym toh ki kyrdan Manager wei lada ymtoh kiwa lai skur hapoh ka jylla ki wym em ya ka Secondary School Certificate wei ki wym tip u klam Kannada, daw hap ki wow pyndep ya ka Exam yow pynyoo wa tip ki u klam Kannada.

Lada ym chem ya kiwa napoh ka jylla kiwa ye u ksoh yei kaam, ka sorkar deiwa ya krehlang wa kini ki karkhana u e sikai ko ya ki tre jylla yow ye ki u kreh ya kini ki kaam.

Kiwon kiwon kiwa leh pyrchah ya kani ka aiñ daw chah daiñ kuna ki Rs. 10,000 hadooh Rs. 25,000.