Ka V-MART wa em ha Ladthadlaboh, Jowai da lehkmen ko yei dap 6 snem i lai luti yong ka heiyatoh wow pynbiang ki tiar ki tar, ki that ki sula wa boon jait cha ki paidbah wa jooh wan mih neipor cheipor yoh ki u jied u thied katkam i ngait i yoosuk yong ki.
Kamtæ chibynta yong kani ka lehkmen neiliang ka V-MART chim haroh ko ka laad wow pyntip paidbah wa da em ki tyrwa namo ki Offer wa boon jait, kamjooh leh em boon ki tiar wa dang poi thymme wa kynthup ki tiar wow pynemkaam ha yung, ki tiar kyndeh-ke khynnah, ki baam dih-cha, ki that ki sula wa kiwi neibynta ki kynthai, ki chynrang, ki khynnah wa ki waheh.
Ki Offer wa kyrpang toh lada thied tiar Rs. 1000 chaneiñ ye u yoh ya ki Cup Set du hei dor wa Rs. 235, lada thied won Rs. 2000 tyngka ye u yoh ki that siang-thiah (Double Bedsheet) næ da u Tiffin song-ja (Cello Lunch Boxes) du hei dor wa Rs. 149, lada thied tiar won Rs. 4000 ye u yoh da u kchu Pressure Cooker du hei dor wa Rs. 149.
Em leh ki Lotion namo ki dawai biah kti, biah kjat, biah khmat wa lada thied iwi u yoh mynkna 2 tylli, ki baam dih-cha lada thied iwi u yoh mynkna iwi, neitæ em leh ki jait sula wa ye u yoh mynkna iwi lada thied iwi, najrong kiwi won ki jait tiar.
Kamtæ ki bor pait bor pynlai ka V-Mart booh ki leh i kyrpaad ya ki paidbah wow wan mih biang ki cha V-MART khnang yow yoh ki u pait u sakhi, u jied wei thied leh ya ki tiar ki tar ki that ki sula katkam i ngait i yoosuk ki hei dor wa biang.
Ki sngi wa wai man ki kamwa jooh hi nadooh ka sngi Monday hadooh Sunday hapyrdi i por 9:30 i step hadooh 9:00 waje i miet.
Neiliang ka V-MART pyntip paidbah ko leh wa kitu ki wym ye u wan dei bru ye ki wow thied namo wow Order Online ya ki tiar katkam wa kwah lyngba u App wa pyrtuid Limeroad.
Discussion about this post