Kiwa dang yoh COVID-19 ha Meghalaya da em biang ki hapoh 50 ngut la 18 sngi, hapoh 100 ngut la 65 sngi wa hapoh 200 ngut la 81 sngi heiwa ynne ka sngi da boon biang da kiwa dang yoh ya kiwa chait hadien soo sngi.
Kiwa dang yoh ynne ka 12 tarik da em ki 17 ngut, kiwa chait 8 ngut wei ym em kiwa dang yap la le sngi.
Waroh kiwa dang yoh kiwa em 17 ngut toh kiwa ha East Khasi Hills District donhi kamjooh kiwa chait na ki 8 ngut, 7 ngut toh ha East Khasi Hills donhi wa 1 ha West Khasi Hills.
Ki District wa boon dooh kiwa dang chah ktah toh ha East Khasi Hills (192).
Ki District wa duna dooh kiwa dang chah ktah toh ha North Garo Hills (00), South West Garo Hills (00), South West Khasi Hills (00), South Garo Hills (01), West Jaiñtia Hills (02), Ri-Bhoi (02), East Jaiñtia Hills (04), West Khasi Hills (05), West Garo Hills (07) wa ha East Garo Hills (10).
Waroh kiwa da chait da em ki 97.99% kiwa em 82,998 ngut, kiwa dang chah ktah da em ki 0.26% kiwa em 223 ngut, kiwa yap 1.74% kiwa em 1476 ngut, deilang dapoi 84,697 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait wa kiwa dang chah ktah wa kiwi man ki kamni ha wah:
