Ka DC ka East Khasi Hills da pynmih hukum ko ynne ka sngi kam chibynta i sdang wow wai ya ka District kamjooh ya ka Shillong heiwa ki dukan ha Iewduh leh toh kiwa da dep chwa u chah wow wai ki 20% nadooh ka 18 tarik uni u bnai heiwa ha ka 23 tarik uni u bnai ka High Court ka Meghalaya da pynmih ko ya ka hukum wow phah pynyoo wa kiwa chongdai wa kiwa kamai kari lada toh kiwa da dep yoh tika namo kiwa ym em chim yei tika.
Kamtæ ha ka hukum, ka DC da phah ko wa waroh kiwa chondai dukan wa ki wakreh toh u booh ki hei thaw wa chynna bha lada ki toh kiwa da dep yoh tika deiwa thoh da ki dak VACCINATED.
Ya kitu won ki wym bien u chim yei tika hap ki wow booh ya ki dak “NOT VACCINATED” wei waroh kiwa chongdai kamjooh ki wakreh ki wym em chim yei tika hap ki wow pynyoo ya ka RT-PCR Negative Report man ka 10 sngi.
U Incident Commander, Zone-IV wa u Syiem ka Hima Mylliem u pait ki wa waroh bood ki ya ki kyndon.
