U DC ka East Jaiñtia Hills da pyntip u wa da pyndait ya ki tiar ki tar sumaar khonboo ha ki thaw kha khon heiwa da booh ya ki thaw pynchit khonboo, ki light, ki kor wow pynkhooid ya ki khonboo wa dang kha, ka miej kha khon ha waroh ki Sub-Centre ka District iwa da sdang wow leh nadooh ynnin ka sngi kamjooh i sikai wow pynemkaam ya kini ki kor.
Yeini da leh da ka poisa ka DMF, heiwa da sdang yei kreh wow pynchna leh yeiwa da sih ha waroh ki Sub-Centre wei yow pynbiang ya ki tiar ki tar kiwa katkam ka juk wa katni yow pynsuk, yow lait ki bei wa punkhon u lai cha jngai yow kha khon.
Heiyatoh wa i pynchna ya waroh ki Sub-Centre, u DC da pyntip wa ya ini toh iwa da pyndep ha ka tayaw wa da dep.
Kamtæ da ong u wa ini waroh daw yarap i wow pynduna yei khlaad ki khonboo wa dang kha kamjooh leh ki manbei wa kha khon wei ka East Jaiñtia Hills daw man ko ka nyngkong dooh ka District wow yoh ya kini ki tiar ki tar kiwa man katkam ka juh wa katni ha waroh ki Sub-Centre.
