Shillong: Ka NEIGRIHMS, Shillong da pynman ko ya ka Vigilance Awareness Week hajrong ka phang “My Vision-Corruption Free India” nadooh ka 30 tarik u Naichiphaw hadooh ka 4 tarik uni u bnai.
Kani ka Vigilance Awareness Week man ko kam chibynta wow pynbna paidbah yei sih wa mih na ki kaam baam-tooh wei yow pynchlur leh ya ki paidbah wow yait ki na kini ki kaam kamjooh wow pyntip cha ki bor ka aiñ lada chem ki ya ini.
Ka NEIGRIHMS kam chibynta kani ka Vigilance Awareness Week da pynman ko boon ki yakop kam ka thoh Essay, i chna Poster wa ki yalehke droma wa tbian.
Ha ki yakop da jop lut kiwa lai puræ nurse ha kani ka thaw sumaar.
U Prof. P. Bhattacharrya, Vigilance Officer ka NEIGRIHMS da klam u chapang ka Vigilance Awareness Week heiwa da wan chimbynta kiwa puræ Nurse, puræ MBBS, ki Nurse, kiwa kreh wa kamjooh kiwa wan cha kani ka Hospital ha ki ar sngi ka 30 wa 31 uni u bnai wa dadep.
U Director ka NEIGRIHMS u Prof. (Dr.) D. M. Thappa da ong u wa waroh ki tre ri haap man ki kiwa lait na ki kaam baam-tooh wei wow pynbna pyrthai ya kiwa baamtooh yow man ka ri India kawa khooid na kini ki jait kaam.
Discussion about this post