Waroh ye ki u pynhær ya ka lama India

Jowai : Ha kiwa boon hi ki ri ha kylleiñ ki ri ha pyrthai, ka lama ri man ko ka dak wow sñiaw sarong ya ki tre ri la heiwon iwon i bynta.

Yeini da sakhi kam ha ka ri USA, Singapore, Thailand wa kiwi kiwi da pynhær ya ka lama ka ri yong ki aw kut thlu yung waroh chi snem.

Hapoh ka ri India neidaw wym tip ware ya ki kyndon wow pynemkaam u pynhær ya ka lama ka ri, kamtæ ka Yungbichaar wa khliehdooh ka ri (Supreme Court) da pynbna ko wa hapoh ka Article 19 ka Constitution ka ri India u man ko ka hok yong uwi pa uwi (Fundamental Right) kiwa man tre ri India.

Neiliang kani ka yung bichaar da booh ko leh ya ki kyndon ya waroh ki tre ri u bood ki yow pynemkaam ya ka lama ka ri ya kawa da tip leh kam ka Flag Code of India 2002.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hei yatoh weini neiliang ka Office u DC ka West Jaiñtia Hills da kwah u wow pyntip cha ki paidbah yei hok yong ki wow pynhær ya ka lama ka ri wei ye ki u leh yeini nadooh ka 15 Naisaphra kawa wym man leh kawa pynbor tangwa chong hei mon yong ki paidbah jar jiar heiwa da em leh ki dukan wa bien u pynduna dor hadooh 10% neidor yaw ya ka lama.

Kajiak hei yatoh wa iwa ye wei wym ye u leh heipor wa pynhær ya ka lama ka ri

Ki ar tylli ki aiñ kawa tip kam ka The Emblems & Names (Prevention of Improper Use) Act 1950 wa ka The Prevention of Insults to National Honour Act, 1971 toh ki aiñ wa kdaw yei rukom pynhær ya ka lama.

Iyi wa ye u leh heipor wa pynhær ya ka lama?
1. Ka lama toh u chna ya ka na u kse Wool/Cotton/Silk wei toh u man ko kawa jrong i kmai (rectangular) namo toh u man ko 3:2 i rukom kmai ko (iwa mut i jrong u man i ar katwa i kmai won 3 chah).
2. Hei yatoh wei rong won, na khlieh u man i i rong umsoh (Saffron) ha pyrdi won i rong lieh (White) heiwa em ka chakra ha pyrdi katwa i rong yirngam (green) won na tre.
3. Lada wah ya ka ha chram i rong umsoh toh u man i iwa kdaw cha liang tidiang na uwa pait ya ka.
4. Da e laad leh ya ki paidbah wow kaweh ki ya ki lama wa da chna da ki kot ha ki sngi wa khroo ka ri kamjooh leh ha ki sngi wa sñiawbha ki jaidbru waphær waphær wei khamtam ha ki sngi wow kyrchaan ya ka dhaab ka ri ha ki yalehke waphær waphær wei manda kut ym hoi u noh cha luti syngkieñ wei manda poi yung ye u noh ya ki dei burom i akor.
5. Lada ka lama man ko kawa da jæd kawa da pleh rong kawa da sih dur, ym hoi u pynhær ya ka khlem da kylliang ya ka.

Ki kyndon wym hoi u leh ya ka lama :
1. Lada ka lama man ko kawa da jæd da pleh rong ymhoi u pynhær ya ka chiteiñ kam ka dak wow burom ya ki bru wa khlad.
2. Ymhoi u pynemkaam bakla i ka du neidaw wow psiah ki bru cha ki dukan dukdoh deiwa booh yei dur ka lama kam chibynta i pyrtuid dukan khlem yohbor na ka sorkar.
3. Ymhoi leh u pynhær ya ka lama wa da jæd da pleh rong chiteiñ kam ka dak wa leh burom yei yap u montri.
4  Khlem yohbor chwa na ka sorkar ym ye u tymmoh ya synduk yapbru klem da yohbor na ka sorkar.
5. Ym hoi leh u pynemkaam ya ka lama yow tymmoh ya ka miej næ kam chi bynta i riam i bait.

Read Also: Ym em u burom ka JHADC yaka lama ka ri : JSM