U Symbood Montri Rangbah ka jylla, u Prestone Tynsong da ong u wa lada pyndam biang ya ka aiñ yakhle næ ka Meghalaya Regulations of Gaming Act, 2021 waroh ki ki jait yakhle kiwa da em chwa ha ka jylla u man pyrchah aiñ lut ki.
Da ong u wa i pyrchah ki paidbah toh ya ki Casino, katwa ya i yakhle thoh tim toh iwa da em chwa, weileh ym em wa pyrchah nadooh nachwa kamjooh ki yakhle khwe dakha, yadaw masi, ki Jackpot wa kiwi kiwi.
Chooh chooh da ong u wa ka sorkar da yoo ko wa kini waroh man ki kiwa emkaam wow wanrah ya ka aiñ, wei i yakhle leh emkaam i ya ki kyndon wa ym em wa leh pyrchah aiñ.
U Prestone da ong u wa hadien wa da pdiang ya ka aiñ yakhle, da mih i pyrchah na kiwa boon nadooh kiwa yahkhmat niam khamtam heiyatoh wa ki Casino, wei neiliang ka sorkar da klam che ko wa ya ki Casino da pynsangeh noh.
