U District Magistrate ka West Jaiñtia Hills da pynmih hukum u ynne ka 6 tarik kam chibynta wow wai, wow chah chooh chooh ya ki kaam hapoh ka District nadooh myntu hi ka 6 tarik hadooh wa pynmih hukum da kamwi.
Ki kaam wa da chah biang wow leh man ki kamni ha wah:
Da chah wow pynman ya ki yalang dorbar chnong, ki esikai (Training), ki yalang sorkar wa ki yong ki bru samen deiwa yohbor chwa na u DC lane na u SDO(C) ka Amlarem katkam wa emkaam.
Ki kari ki bru samen da chah wow lai u wan ki hadooh 100% hapoh ka District.
Ki Skill Training Programme wa pynman da ka sorkar wa ki bru samen ye ki wow pteiñ biang deiwa bood ya ki kyndon wa pynmih da ka Skill Development & Entrepreneurship ha ka 11-06-20 deiwa yohbor leh na u DC lane na u SDO(C) Amlarem.
Heiyatoh won wa ki thaw mane, da pynkylla ya ka hukum wa da pynmih ha ka 04-09-21 deiwa chah noh ya ki yungmane wow em ki bru wa wan yaseiñ hadooh 50% na iwa hoi u em ki bru.
Ha ki Temple, Mosque, Gurudwara wa kiwi ki thaw mane, ym toh u em ki bru palat 50% na iwa chniam ki bru.
Da phah leh wow pynyajnai uwi na uwi ym duna 5 phut.
