Jowai : U Loom Mooliksoo man u u loom wa emnaam wei uwa kyntang bha ym du ya ki khon ka Niamtre tangwa ka Ri Jaiñtia hi waroh kawi. Uni u Loom man u u loom wa pyndep niam pyndep rukom ki khon ka Niamtre ya kiwa yap mynsoo.
Toh leh ha uni u loom wa da pyndep niam khaddooh ya u khlawait ka ri u Woh Kiang Nangbah.
Ha u snem 2012 da wai paidbah ya u moopynyieñ wow sah kynmoo ya u Woh Kiang Nangbah ha uni u loom weiwa da ker talwiar ya u moopynyieñ dei kynroh wa ka gate. Sniawsih u yoo ha kini ki sngi wa da dep da yoh u sakhi wa ka bynta wa timun ka gate wow psiah cha i thaw wa em u moopynyieñ da wiar ko. Iwa rap yoo phylla leh wa neiliang tidiang yong ka gate kawa dang em yoo lakam wa khliah næ chah ah ki kopja wa ksoh ya ka gate tangwa dang neh ko heini i thaw.
Cha liang Mihsngi uni u loom da em iwi i yung wa da chna kyrpang iwa man leh kam i thaw chongke wei thaw paitke ya ka chnong Jowai. Heini i yung moo won da yoo ya ki dak wa da wiar ki pype um kiwa ker wei kiwa man kam ki thaw ksoh nadooh na rna chadooh ka soodong ini i yung. Ki kyndit chrot wa pynksoh ya kini ki pype um leh da man ki kiwa da piah.
Hawa kamni man ini i thaw toh hi ma-ai wa ym em de u kheiñkor i oo u Woh Kiang Nangbah lait su ha ka 30 u Kmaichonglad?
Discussion about this post