Jowai: I yaleh wow sai ya iwi i metyap wa chem hapoh ka krem mooyong wa em ha Ksan, EJH ynne ka sngi ym em ye wow leh neidaw wa nadooh ynnin heipor wa mut ka Indian Navy u sai ki, da sahkut i metyap neidaw wa em ki Pipe wa taan um heiwa ka kor ROV da taan ko ya i metyap tangwa da lait noh wei ym pu chem biang hadooh ynne ka sngi.
Ha iwi tawon i liang ka Fire Service Odhisa da pynkrehkaam ko ya ki Pump yong ka 6 kynta nadooh 11:00 waje i step ynne ka sngi wei da sai 495000 liter ka um.
Ka CIL won da taan um ko na ki ar tylli ki krem mooyong wa em hajan nadooh ynnin i janmiet wei ki Pump waroh deilang da pynkrehkaam ki 40 kynta wei da sai 3685500 liter ka um.
Neiliang ka KSB won nadooh ynnin i janmiet hadooh 6:30 i janmiet ynne ka sngi da taan um ki 20 kynta wei da sai ki 3960000 liter ka um.
Discussion about this post