Ka seiñ JSU da beiñ joor ko ya ka MPSC heiwa ha ka Corrigendum Public Notice kawa da pynmih ha ka 14 tarik uni u bnai March 2026 neibynta i kreh Assistant Engineer hapoh ka chnat Urban Affairs Department da pynwiar ya ki Jaintia hapoh ka Reservation Category heiwa da thoh Khasi donhi.
Neiliang ka JSU da ong ko wa ini toh i pyrchang wow pynwiar yei pyrtuid ki Jaintia na ka thup Reservation Category neibhah nadooh nachwa da thoh bait Khasi-Jaintia Category ha kawon kawon ka Notice næ Advertisement wa da pynmih.
Kani ka Corrigendum Public Notice ka MPSC wa pynmih kattæ toh yow pynbait ya ka Advertisement wa da pynmih nadooh ka 22-12-21 heiwa da pynbait yei bhah kreh deiwa kheiñ wa ka Roster deiwa em ar tylli ki kreh wa lait heiwa da thoh kawi toh neibynta ki Khasi wa kawi won neibynta ki Garo.
Ka JSU da ong ko wa ini i leh ka MPSC toh yow pyrchang wow pynwiar yei pyrtuid Jaintia iwa man leh i yoobeiñ neibhah nadooh kini ki sngi wa da dep da em uwi uwa mihkhmat ka Nongkrem Constituency uwa da pynwiar yei pyrtuid ki Jaintia hapoh Assembly.
Ya kani ka Notice ye phi leh wow yoo ha ka Website ka MPSC-https://mpsc.meghalaya.gov.in/notify/Notice14Mar2026c.pdf
Discussion about this post