Jowai : Katkam ka khubor wa da yoh da ong wa kawi ka manbei kawa pyrtuid ka Rosamystica Siangshai wa dang 20 snem i rta da wiar ko chirup wa u khon yong ka, u Adrian Siangshai uwa dang ar snem chiteiñ.
Kini ki ar ngut da wan sah ke ki ha i yung ka beiheh ka Rosamystica, ya kawa da tip kam ka Cicilia Siangshai ha Lumpariat, Jowai.
Ka Rosamystica chirup wa u khon ko da mih ki na yung ka kong Cicilia nadooh ka 13 tarik uni u bnai, heipor dang step hawa dang thiah kiwa boon ha ini i yung.
Ka Rosamystica toh kawa chong wa sah paka ha Ladrymbai B, East Jaiñtia wei wan sahke hi-eh ko cha yung ka beikhian ko iwa em ha Lumpariat, Jowai.
Hadooh wa e ya kani ka khubor, ympu em u chem næ tip yei thaw wa em ka Rosamystica kamjooh wa u Adrian.
Neiliang kiwa hayung kini ki ar ngut da ujor ki cha ki pulit hei yatoh wei wiar kini ki ar ngut, wei da kyntu leh ya kiwa tip yei thaw wa em ki wow sñiawbha u pyntip cha kiwa ha yung næ cha ki pulit.
Discussion about this post