Jowai : Hadien wa da mih ka result SSLC pynbood won sa i thooh thaw puræ ya ka class 11 wei ha ri-loom Jaiñtia em du kawi ka College sorkar wei boon hi ki wym ye u lai cha ki thaw puræ private, boon da jied ki ya ka Kiang Nangbah Government College.
Ha uni u snem ki khynnah wa thap wow puræ XI Arts Day da em ki hadooh 1057 ngut kiwa wan thap admission ha ka heiwa 761 ngut won da dooh admission ki. Ha ka Morning Section won da em da em 618 ngut kiwa wan thooh admisssion katwa 239 ngut da chah kyntat.
Ka College, i bor yong ka ye ko u pdiang du 165 (Capacity) ngut ha ka Day Section (XI Arts) katwa ha uni u snem da pdiang 296 ngut lada wyrchaw won ha u snem wada dep da pdiang hadooh 185 ngut.
Ka XI Arts Morning ye ko u pdiang 230 (capacity) ngut katwa kiwa da pynpsiah won 379 ngut. Lada wyrchaw won wa uni u snem wadep da pynpsiah 514 ngut.
Iwa mut wa ha ka XI Arts Morning da chah kyntait 239 ngut katwa ha ka Day Section won hadooh 761 ngut kiwa chah kyntait.
Lada wyrchaw wa kiwa da pynpsiah ha ka college ynnin u snem du ha ka class XI Arts (day & morning) da em hadooh 699 ngut katwa ha uni u snem won da pdiang du kamwa 675 ngut hadooh ynnin ka sngi 17 tarik wa da kut wow pdaing khynnah, iwa yaphær hadooh 24 tylli ki chuki wa duna na uni u snem wa da dep.
Hei yatoh won wa ka class XI Science won ynnin snem da pdiang 137 katwa ha uni u snem won da pdiang 195 ngut.
Katwa ha ka class XI Commerce won ynnin snem da pdiang 52 katwa ha uni u snem won da pdiang 138 ngut.
Ini i duna wa 24 ngut ha ka XI Arts da pynmih i ood ha pyrdi ki khynnah neibhah katkam i yaklam wa u DC ka WJH da ong u wa toh u pynneh ya ki khynnah katkaam wa da leh ha uni u snem wa da dep 2015-16.
Discussion about this post