Hadien wa ini wa dep, u Chairman ka Jowai Municipal Board, u LD Lakiang da pynbna paidbah u wa ka laad wow lai cha Thomas Jones Synod College wa em ha Iawmusiang Jowai u pynkylla noh ka kam ka Two-Way yow ye u lai u psiah cha kani ka sarok wei ki kari kamai wa pynyieñ heini ym chah de wow booh kari ki heini.
Hawa lai pait ya kani ka thaw ynne ka sngi da chem wym em de ki kari kamai tangwa i jhep won wa boon trui wa chong ha kani ka thaw.
Kiwa kamai kari da ong ki leh wa pyrchah ki yeini i chah beh ki deiwa phah pynyieñ ki ha ka Parking Lot wa em ha New Hill neidaw wa da jngai ware ya ki bru wei daw lut ki du ka bai pynyieñ kari khlem yoh kamai.
Da ong ki leh wa ynne chooh dang pynyieñ kari hi ki cha wah ka Thomas Jones College wei daw yaklam ki wa ki bor District yow pynbait ya ini i kaam.
Kam wow pynkynmoo wa u Chairman ka JMB da pynsñiaw u yei sñiawsih wa ki bru dang noh jhep bait ki ha ini i thaw wei hawa pait ynne da chem leh wa hanla da em ki bynta wa da ker ya ini i thaw, i jhep wa em ha kylla iwa da dep ker dang em bait i khlem wa khat wei i rood sarok ter toh sadu i jhep donhi.
U Chairman da dep ong u leh wa daw thooh laad wow pynmiat ya kani ka thaw.
Kam wow kdaw leh heini hapoh ka Meghalaya High Court da pyntip wa i kit yei jhep toh iwa da lai bait bha katni.
Puræ leh: Ym chah de u pynyieñ ki kari kamai ha laad Thomas Jones
Discussion about this post