Ka khyllood kawa man kam ka Khasi hi kawa neipor cheipor jooh booh ki Video wei em ki por leh ko da ki Livestream ha Instagram, heiwa nadooh nachwa da pynchrai ko ya kiwa boon da ki kyntien wa klam ko. Ha kani ka kynti da pynchrai biang ko ya ki bru deiwa pynemkaam da ki kyntien wa khlemakor wei deiwa pynkhor nadooh ya ki seiñbhlang hadooh ki pulit wa ki seiñ manbei ha iwi i Video wa leh Livestream ko.
Kani ka bru kawa pynemkaam yei pyrtuid ‘queen_beb_7811’ ha Instagram, da klam beiñ ko ya ki jaitbru Khasi deiwa ong hadooh katwon yoo taroi yoo kynchiñ ko ki heiwa da pynekaam ko da ki kyntien wa khlem akor chaphang yong ki.
Da kob ko leh ya kiwon kiwon kiwa kwah wow kem ya ka nadooh ki KSU yow e Case kylla ko ki wei da kob ko leh ya ki seiñ manbei wow kem ya ka.
Da ong ko leh la san snem da Viral ki Video ko wei boon ko ki Follower wei ym em hi leh tieñ ko wot ya ki pulit ka Meghalaya.
Da khana ko leh hadooh i thaw sah ko ha Bengaluru lada em kiwa kwah wow wan kem ka.
Heiyatoh wa ini, neiliang ka seiñ HITO-Shillong City da lai booh FIR ko ha u SP ka East Khasi Hills yow leh u iyi ræ iyi chaphang kani ka bru neibhah wa da ktah i rukom klam ko ya ki khynroo khyllood, ki seiñbhalang, ki seiñ manbei deilang ki pulit ka Meghalaya.
Kamwa man kattæ waroh ki Video ki Post wa em ha ka Profile ka ‘queen_beb_7811’ ym em de ki (Deleted).
Discussion about this post