Jowai : Uwi u khynnah wa dang 14 snem i rta uwa da tip pyrtuid kam u Niky Dkhar yow wa da khut kam u Nikoit, u khon ka kong Solin Dkhar wa u ma Sidwin Ryngkhlem, wa chong wai ha Mynthong, Jowai, da wiar u na yung nasooh ka 2 tarik uni u bnai nadooh kamwa 4 waje i janmiet wei ym pu tip cheiwon em u.
Da pyntip wa uni u khynnah dang puræ Class-5 ha H.K Singh Memorial School Jowai, hei yatoh wa ini da e leh da ka FIR ha Jowai Police Station.
Da ong wa uni u khynnah ha kani ka sngi da sap u da ka Sweater rong soo, ka patlun rong yong wa ki slipar rong bneiñ, da kyntu kiwa hayung u wa lada em kiwon kiwon wa tip næ yoo ya oo wow phone ki ha sniawbha wow pyntip cha ki pulit næ phone ha kini ki numbar 9856708425 /8729961095.
Discussion about this post