Jowai: Uwi u bru wa chet tyndur wa kreh ha Lumpyrdi, Mihmyntdu da wiar u nadooh ka 26 Khonchonglad (November) 2016 da pyntip ka M. Siangshai ka tre tyndur.
Da pyntip ko ha ka tai ka sngi hadien wa dep kreh u Phoni Rai da mih u yow lai cha Ialong yow yachem wa ki lok u wei ym em de liwan u hadooh ynne ka sngi.
Kamtæ ki pulit da pynmih ki da ka Look Out Notice yow pyntip cha ki paidbah lada em wa tip namo kiwa yoo ya uni bru yow pyntip ki cha ki pulit deiwa phone ha u SP ka WJH ha u number 9856040406, O/C Jowai Police Station-9856040410, S.I. ASR Lakiang-8794233415.
Uwa wiar, i chnong tre u toh na Khatlicherra, Halakandi District Assam. Da em u 30 snem, jrong u kamwa 5.7-5.8 Feet, i rong sniehdoh toh iwa yong, i pyllung khmat rong yong wei wa syndem khmut.
Discussion about this post