Uwi uwa uiñke suwari uwa na ri Hungary uwa tip kam u Puskas Zsolt da wiar u nadooh ka 29 tarik u bnai wa dep ha thaaiñ Sohra wei neiliang ka ri u leh da pyntip ki cha ki pulit ha ka 2 tarik uni u bnai wa da wiar u.
U Pukas da wan sah u ha kawi ka Hotel ha Laitumkhrah ha ka 29 tarik heipor 3:45 i step wei ha ka jooh ka sngi heipor 9:00 waje i step da chim kari u yow lai booh oo cha Mawsahew wa em hajan Sohra wei dapoi u ha ini i thaw heipor pyrdi sngi.
Neini da lai u samen cha Mawkawir dei thmu wow lai kjat cha Nongriat deiwa kieñ du kawi ka muna donhi.
Yeini da pyntikna leh da ki pulit wym em de wa yoo ya u Pukas nadooh ka 29 tarik wei da pynman yei thooh ya oo da ki pulit deilang ki Home Guards chirup kiwa chong chnong.
Da pynemkaam leh da ki Drone yow thooh ya uni uwa da wiar wei da em leh kiwa da ong wa da yoo ya uni u bru ha Mawkawir wa ha Ramdait.
Da pynman leh yei thooh ya oo cha Mawkawir wa kiwi ki thaw wa ka-it ki bru wow lai kjat tangwa ym chem oo.
Discussion about this post