Jowai: Kiwa ha yung ha sem u Wanbor Tariang da pyntip ki wa da wiar u nadooh i step ka 26 tarik heipor kamwa 7:30 heiwa da mih u na i yung u wa em ha ka chnong Ammutong yow lai khwe cha ka wah Mynngot deiwa rah lang u wa ki tiar ki tar khwe yong oo.
Kiwa ha yung ha sem da pyntip ki wa da pynman ki ya ka i thooh ya u Wanbor nadooh ka miet ka 26 tarik hi wei da lai ki cha i thaw wa jooh khwe u wa tip kam i Wahkhnah wa em harood ka wah Mynngot wei da chem ya ki tiar ki tar khwe yong oo.
Ha i step ka sngi wa bood heipor 2 waje da chem ya ki pyrsiej na ka wah wei da suba ki wa ha da chah rah u ha ka um.
Kiwa ha yung ha sem yong u Wanbor dang pteiñ hi ki wow thooh ya oo wei da yarap lang wa kiwi ki chnong wei da pyntip leh cha ki pulit wow leh yeiwa emkaam kamjooh leh da kyntu ya ki paidbah wow pyntip cha kiwa ha yung lada em wa chem ya u Wanbor, i dur yong oo iwa da booh ha neiñ.
Discussion about this post