Katkam ka yutip wada yoh na ki pulit da ong wa da wiar uwi u khynroo na ka jaitbru Naga ha ka thaiñ Boipur, West Bengal heipor wa dang lai luti u da ka Train.
Ya uni u khynroo da tip kam u Indakpe Namgi uwa 28 snem i rta na Peren District, Nagaland.
U Namgi da wiar u heipor wa lai u na Vishakapatnam cha Dimapur chirup wa ka payu u kawa da chem wa da wiar u napoh Train heipor chiteiñ synyaw.
Ya ka mobile phone u da rap da u Mohamad Alam, uwa dakam wa da chem ya ka na u sarok wa em ha Rakot, Bihar wei katni da tynyap (Switch Off) ya ka phone.
Neiliang u SP ka Birhum u Sudhir Kumar IPS wa u Railway Inspector, Incharge of Railway Police da kular ki wow leh yeiwa emkaam wei da pyntip ki leh ya ki pulit ka West Bengal neibynta ini lada chem ki ya uni u bru.
Da kyntu leh ya ki paidbah wa lada chem ki ya uni u bru heiwon heiwon i thaw wow pyntip cha ki bor ka aiñ.
Discussion about this post