Ka Kyllooid I Sñiaw Multipurpose Society daw pynman ko ya ka tamasa wa chi sngi wa tip kam ka Winter Festival 2025 ha Mukhla Moosdai, Mukhla, West Jaiñtia Hills (ha ka luti wow lai cha Mupliang wa Myrjai) ha ka 15 tarik uni u bnai December nadooh 4:00 waje i janmiet.
Ka thong yong ka Society toh wow pynchlur ya ki sap hei put i tem, i rwai i siaw napoh ka Ri-loom Khasi wa Jaiñtia.
Ha kani ka tamasa daw wan pynwyrngia kiwa put wa tem wa pawnaam kam ki Colours, Lynx, Six Feet, Pakha 11, Monmi & Johnny, ki Dragline na Bangalore wa ki Fashion Show.
Chooh chooh daw em leh ki dukan dukdoh wa dai ya ki mar baam wa har rukom kamjooh leh ki yalehke.
Ha i miet ka 15 tarik daw em leh ka Housie kawa Rs. 16 lak heiwa kawi ka Ticket man ko Rs. 1,000 katwa le tylli u man ki du Rs. 2,000. Ki House u man ki kamni ha wah:
First House – Rs. 10,00,000
Second House – Rs. 2,00,000
Third House – Rs. 1,00,000
Waroh ki Line- Rs. 60,000 uwi
Kamtæ da khut ya ki paidbah wow yawan pynwyrngia ha kani ka tamasa khnang wa ki thong ka Society u man ki kiwa jop.
Discussion about this post