Jowai : Ka ialang Peace Committee kawa da pynkhreh yow pynman ynne ka sngi ha Forest IB hajan ka chnong Khanduli da ki bor district iong ka West Jaintia Hills waka Karbi Anglong da pynkynriah iaka neidaw wa ym em biang i rukom pynbeit ha pyrdi kini ki artylli ki district. Ha ijooh i por leh ym em na ki nongchong chnong hapoh kini ki thain khappood wa wan iachimbynta ha kani ka ialang.
Ki dkhot iong ka Peace Committee Pnar Karbi Khanduli area wa kynthup ia u Wom Langshiang, u Augustine Phanse ong ki naka liang iong ki, ym em ioh ki iwon iwon i pyntip na ki bor district ha i iatoh waka ialang wada thmu ki ynne ka sngi, kamjooh ki nongchong shnong leh ym em ioh jingtip ki.
Ha kani ka sngi naka liang ka Karbi Anglong District, Assam da wan da u Partha Jahari EAC ka Hamren Sub-Division wa u OC ka Hamren u Kamal C.H. Borah, katwa na ka liang ki bor District ka West Jaintia Meghalaya da wan mihkhmat da u R. Kharbihkhiew EAC ka West Jaintia Hills District Jowai.
Hadien wa poi ki ha katai ka thaw da rai u pynkynriah tarik noh niebhah wa ym em kiwa wan chimbynta ha katai ka ialang. Da e lad ia ki dkhot ka Peace Committee Pnar Karbi Khanduli Area yow jied ki iaka tarik wei wa u pyntip ki ia waroh ki 10 tylli ki chnong khappood wa hap hapoh kani ka Peace Committee iong ki.
Discussion about this post