Ka Meghalaya da rem ko da 95 Run ha ka Women’s U-19 One Day Trophy pyrchah ya ka Sikkim ha Ranchi ynne ka sngi.
Ki kynthai ka Meghalaya ha ki ar tylli ki yalehke chwa da hap ieh khlem da kawang chi bol leh neidaw u slap.
Ynne ka sngi ka Sikkim da jop ko ya ka kylla khlem heiwa da jied ko wow Bat nyngkong. Kiwa sdang ya ka kamai da yoh lang ki 100 Run tangwa ka Mansi Anand (2/10) da sdang ko yei haap ki Wicket ka Sikkim kiwa da kamai 135/7 na ki 50 Over.
Kiwi de kiwa kawang bol kiwa yoh u pynhaap Wicket ya ka Meghalaya toh ka Captain Suriti Kumari Ray (3/17) wa ka Neelam Roy (2/21). Hanla ym em yoh Wicket ko leh tangwa da man ko kawa duna dooh kawa chah kamai ka Sistilin Ryntathiang kawa da e 17 Run na ki 9 Over deilang wa 3 tylli ki Maiden Over.
Ka Meghalaya da ka Bat won da chem chitom ko heiwa du ka Monica Lyngdoh Phawa kawa da ye u poi yoh 10 Run chaneiñ kawa da kamai 11 Run heiwa da haap lut ki Wicket deiwa kamai du 40 Run donhi.
Ka Meghalaya daw yachem ko wa ka Arunachal Pradesh mynstep.
