Jowai : Kam chibynta wow kyntu kynrong ya ki bru wa em sap næ ki dhab tem wa kiwa rwai na Jowai chimkhia u DC ka West Jaiñtia u pynman da ka Weekend Gala Dinner næ ka janmiet wow apsur kamjooh leh u ya baamja.
Ya kani daw pynman ha ka 26 u Khonchonglad (November) ha Highwinds Restaurant, heiwa u tre kani ka Restaurant u Dr Daljit Sethi da pdiang u yeini wei da rai leh wa daw su da ka bhah (commission) cha kiwa wan pynwyrngia næ ki dhab tem na ka poisa wa lang na ka bai psiah wa yoh na ki paidbah.
Ka bai psiah u man ko T. 500 samen ya ki waheh wei T. 250 samen ya ki khynnah wei daw pyllait du 200 tylli hi-eh ki ticket wei ye u yoh ya ki na Highwinds Restaurant nadooh ka 10 tarik uni u bnai.
Ka Dorbar Chnong Mukhla leh da pdiang ko wow pynman yeini wei daw phah ko leh ya ki dkhot ka VDP yong ka wow yarap ha kani ka janmiet wei daw su poisa leh ya kini ki dkhot ka VDP.
U DC ka District u Arunkumar Kembhavi da pyntip u leh wa lada man kani ka janmiet kawa jop ye u pynman leh ya ka man la ka miet Sngi Chohthat (Saturday).
Da kyntu ya ki dhab tem na Jowai wow register ki ha yung krehkaam u DC (Basin Branch) deiwa thoh kajak chaphang ka dhab kiwa rwai samen, kiwa leh jadu, kiwa ye u pynwyrngia ya ki paidbah leh ye hi ki u register.
Discussion about this post