Ka seiñ Akhil Bharatiya Vidyarthi Parishad (ABVP) Jowai Unit da lehkmen ko ya i dap 74 snem yong ka seiñ heiwa da lehkmen waroh chi tayaw kam ka Foundation Week kawa sdang nadooh ka 9 tarik.
Ynne ka sngi ka ABVP Jowai Unit da pynman ko ya ka Mini Marathon ha Jowai heiwa da wan chimbynta da kamwa 180 ngut kiwa em nadooh i rta 14 hadooh 30 snem.
Ha kani ka sngi da pynman leh ya ka yalang heiwa da emlang ka State Secretary ka ABVP, ka Nibiang Sumer, u Jowai Town Secretary ka seiñ, u Firstly Sari, ka Secretary ka Kiang Nangbah Govt. College Unit, ka Emika Syad wa kiwi kiwi kiwa kitkaam ka ABVP na ki Unit waphær waphær.
Ha ka yalang da saam ya ka song poisa kamjooh ki Certificate wa ki Memento cha kiwa jop ha ki kyrdan waphær waphær yong ka Marathon.
Kiwa jop na ki chynrang man ki kamni hawah:
1st- Dasaman Kyndait
2nd- Dabit Dkhar
3rd- Sanctify Pale
Kiwa jop na ki kynthai won man ki kamni hawah:
1st- Phyrnai Kyndait
2nd- Happiness Phawa
3rd- Monlangki Kyndait
