Ka Principal ka Laxmibai College yong ka Skurbah Delhi University, ka Pratyush Vatsala da chah beiñ bha ko hadien wa poor i video wa biah ko dei ait-masi ha i chram kawi ka kamra Class wa em ha C Block.
Neiliang ka Pratyush da kam ko wa ini toh kam chibynta yong i puræ bniah namo ”Research’ Study’, tangwa boon kiwa da kylli yeini i leh yong ka lada em yatoh i wa i stat Science.
Ha i video da yoo ya ka principal wa biah ko dei ait-masi wei da yarap ya ka da uwi u bru, heiwa katkam ka WhatsApp Group kiwa sikai da batai ko wa ini toh wow pyndait-thah ya i kamwa kamwa da leh ha ki por yongrim.
Ka Pratyush da ong ko wa ini toh i puræ bniah namo ‘research’ wa pyrtuid ‘Study of Heat Stress Control by Using Traditional Indian Knowledge’ wei daw ye u yoh ya ka bui neiwa chem neini hadien chi tayaw.
Chooh chooh da kam ko wa boon ki yung ha palatsor ka ri India pynneh ki yei dait-thah ki kamra deiwa biah ait-masi tangwa i leh yong ka won da pynmih ko ya kiwa boon wow kylli kammon u krehkaam i ha ki Skurbah ka juk wa katni.
Discussion about this post