Shillong: U President ka Khasi Students’ Union (KSU), u Lambokstarwell Marngar da khyrwait u yaka sorkar jylla hajrong i pynsangeh noh ya i kreh ya ka khyrdop khynra baar jylla ha Umling, Ri-Bhoi District.
Hawa yatoh wa i sangeh noh wow kreh yakatai ka khyrdop, u Marngar da pyntip u wa ha i yachem wa u montri ka chnat PWD (Building), u Comingone Ymbon da pyntip wa ka sorkar ka duna poisa ko wa pynman wow sangeh noh yei chna. Uwa yakhmat ka KSU da beiñ u ya kani ka sorkar deiwa ong wa ka sorkar toh u jubab ko heiwa u pynman ya ki tamasa deiwa pynlut da ki klur, ka sorkar em poisa ko katwa wow chna yaka khyrdop neibynta i myntoi kiwa chong chnong, ka sorkar ym em poisa ko.
Chooh chooh da kyntu ya ka sorkar jylla wa da toh wow chna noh syndon ya ki khyrdop khynra mynder kiwa ya ki thaw da dep wow tipmit hadooh 18 tylli. Da ong wa lada ka jylla Manipur ye ko wow chna ya ki khyrdop mar ya yoh ya ka ILP ileh wa ka jylla Meghalaya wow pynchna ya ki khyrdop næ wow pynkhlan ya ki khyrdop kiwa da em chwa ym ye ko. Da pynrap leh wa lada ka sorkar ym ye ko leh ya ini, ka seiñ ym banse ko wow hiar yow booh da ki khyrdop yong ka hi.
Dawa ka KSU wa toh u yaklam noh ki arngut ki CM hajrong u pood u ang
Ha kawi ka liang u Marngar da pyntip u wa ka seiñ da yaklam ko leh hajrong i wym ye u pynbait ya u pood u ang waka jylla Assam.
Da ong u wa ka KSU daw booddien ko ya kani ka phang wa ka sorkar jylla wow chimkhia ya kani ka phang wei toh u em leh i yaklam hapyrdi ki montri rangbah yong waroh ar jylla neibhah hadooh katni, ki paidbah ha khappood dang em ki hapyrdi i eh.
Discussion about this post