Jowai: Ka Khynroo Khyllood Dorbar Chnong Mustem, ynne da mih yonglang ki wow yada ya ka Rymaw khamtam ya ka Wah Umpathoo deiwa thung hadooh kamwa 1000 tylli ki tre dieñ.
Ka Wah Umpathoo toh kawa man ka wah wa yoosuk kawa miat bha neibhah ha ka em hadooh 7 tylli ki kchaaid ha kani ka wah iwa ka Dorbar Chnong thrang ko wow pynman kam ka Sanctuary wa kam ka thaw wow riñ ya kiwa uiñke suwari.
Chwa wow sdang i thung ya kini ki dieñ da em ka yalang wa pynlai da u waheh chnong ka chnong, u H. Shylla, heiwa da emlang leh u C. Ryngkhlem uwa man kam u JE yong ka Thadlaskeiñ C&RD Block, ka R. Shylla kawa man kam ka BFT ka Block.
Neiliang ka chnong da e khublei ko ya ka B. Blah kawa man kam ka BDO yong ka Block kamjooh leh ya ka yung krehkaam yong ka kawa da e hadooh 1000 tylli ki tre dieñ ya ka chnong khnang wow pynneh pynsah ya i yirngam ki soodong sookun ka chnong.
Hadien kani ka yalang da thung ya kini ki dieñ nadooh na Wah Umpathoo tymbud ka wah hadooh wa poi ha Thwai Sajri.
Discussion about this post