Jowai: Kam wow yada ya ka rymaw hadien wa dep thung dieñ ha jar jiar ki skur, da i uiñ chnong won pynman ki wa sikai ka Mukhla waka Khliehtyrchi Cluster ha kani ka 5 tarik uni u bnai.
Kiwa sikai hei yakrehlang wa ka SACH (WASH) chwa wow sdang ka uiñ chnong da yachem ki ha chnong Umlangshor heipor 10:00 waje i step wei da uiñ ki tymbud luti nadooh neini chirup waki khynnah skur wow kyrsu kyntu ya ki para chnong wow leh khooid leh jngiar wei wow yakreh lang ki heiwa kammon wow yada ya ka Bei Rymaw.
Ya ini i da yahkhmat da u wa sikai u Kyllimot Lhuid deiwa pdiang ya ki skur wa wan yachim bynta kamwa 10 tylli ki skur ryngkat wa kiwa sikai.
Ha kani ka sngi da yoh yei klam na u E.S. Bang u Secretary ka chnong Ladmukhla wei da yoh ya ki kyntien e khublei na ka Emerald Khongstia kawa man kawa sikai skur.
Da yoh i batai bniah ha kani ka sngi na ka Project Coordinator ka SACH ka Tanu kawa da pynyoo leh ya ka phlim yow sñiawthooh ki khynnah wow chimkhia wow yada ya ka rymaw man ka sngi.
Da pynphooh ya kani ka sngi da ki rwai na u Sienkioo Sari wa man u khynnah skur ka Ladmukhla UPS SSA, wa kiwi kiwi.
Kani toh katkam ka khubor wa pyllait uwa sikai u Tiplem Sumer uwa man leh u Headmaster ka Umlangshor UPS SSA.
Discussion about this post