Wow yada ya ki ar tylli ki wah kyntu ka chnong Umlyngsha ya ki paidbah wow bood ya ki kyndon

Khliehriat: Ka Dorbar Chnong Umlyngsha lyngba u Waheh Chnong yong ka da pynmih ya ka hukum wow khang u lai sait kari cha ki artylli ki wah wa kynthup ya ka Wah Ratap wa ka Wah Umpliang neibhah kini ki wah da tooid ki cha Wah Sailynter kawa em hapoh yong ka chnong heiwa ki paidbah pynemkaam bha ki ya ka hei wow dih, u sait that, u sum wa kiwi ki kaam wa man-ka-sngi. 

Chooh chooh u NL Talang u Waheh Chnong da ong u wa lada sait kari ha kini ki wah daw ktah nyngkong ko ya ka thaw ri dakha (Sailynter Fish Sanctuary) kawa em cha tre ka wah wa jngai du 150 Meter na Wah Umpliang. 

Katwa kamtæ ka chnong da khang ko leh wow leh ya kini ki kaam ha wah:

1. Da khang ya kiwon kiwon kiwa wan ke/baam-doh ha kitai ki thaw namo hapoh u pood u ang yong ka chnong wei ymtoh u noh khalær ya ki jakhlia kam ki Plastic, ki klong wa kiwi kiwi chapoh um. Heijooh i por ka chnong da booh ko dei por nadooh 6:00 waje i step hadooh 7:00 waje i miet wow baam-doh sñiawbha.
2. Da khang leh wow tynyap khiar ya ki dakha doh-um ha chilynter ki wah kiwa haap hapoh u pood ka chnong. 
3. Da booh leh dei por ya ki kari tong um kiwa emkaam um khamtam kitu kiwa najan chnong wa wan diang um na ka Wah Umpliang toh i por nadooh 6:00 waje i step hadooh 7:00 waje i miet donhi.

Kamtæ ka Dorbar Chnong Umlyngsha da kyntu ko ya waroh ki paidbah wow yakrehlang ki chirup wa ka chnong neibynta i bha i miat hapoh ka imlang sahlang wa ka chnong ka thaw. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Khaddooh u waheh chnong Umlyngsha da pynsñiaw u yei sñiawdiaw hajrong i rukom leh ki bru wym tipmit kiwa wan baam-doh sñiawbha ynnin ka sngi heiwa da noh khiar ki ya ki jakhlia kat chawa yoh khamtam cha ka wah heiwa ka chnong iwa da chem yeini ynnin i janmiet heipor kamwa 4:30 donhi.

U Talang da ong u, “Hao sñiawthooh hi i kam kini ki por toh i por wow yakmen sñiawbha, khamtam i por Christmas wa New Year tangwa hawa lai baam-doh sñiawbha wei hawa laike cha ki thaw wa sñiawsuk i, ymtoh u leh khlem akor deiwa pyntaroi kat chawa yoh”.

“Neiliang yong nga, ka khubor kawa kwah O u e yaroh lang toh wow sñiawbha u em i mynsien burom kylliang khnang kiwi leh u burom ki ya i,” da ong u Talang.