Ka chnat Directorate of Higher & Technical Education ka sorkar Meghalaya da pynbna paidbah ko yei daw wa em ki wym pu poi ka poisa Scholarship cha ki Bank Account ki khynnah.
Da pyntip wa kiwa yoh yaka Pre wa Post Matric Scholarship hapoh ka Umbrella Scheme neibynta ki ST yong ka bhah u snem 2021 da em ki wym pu poi ka poisa toh neidaw wa ki Bank Account toh ki wym pu em leh yaka KYC ha ki Bank.
Da pyntip leh wa em ki Bank Account kiwa da pynsangeh (Frozen) wei em leh ki wym em de krehkaam, chooh chooh da em leh ki wym yatoh i pyrtuid kamwa da pyndap ha ka Scholarship wei em leh kiwa da man kam ki Major na ki Minor hei pyrtuid ki Account iwa mut kiwa da dap noh katni 18 snem.
Yeini da chem hadien wa yachem ka chnat sorkar wa ki State PFMS Team.
Kamtæ da kyntu ya ki wym pu yoh Scholarship wow lai ki cha ki Bank yow tip iyi i daw wa thut ka Bank Account ki yow ye noh ki u yoh yaka Scholarship.
