Ka seiñ FKJGP-East Jaintia Hills District da lai yachem ko ya u Deputy Commissioner yong ka East Jaiñtia Hills District ha ka 1 tarik uni u bnai yow pyrchah joor ya ka Public Hearing yong ka Star Cement kawa da pynman ha ka 29-01-2022 ha Lumshnong.
Ka seiñ da pyntip ko wa da dep e ko dei thoh leh cha ka Meghalaya State Pollution Control Board (MSPCB), Shillong yow pyrchah joor neidaw wa ya ka Public Hearing yong ka Star Cement, ka MSPCB ym em da pynmih khubor kam ha ki Social Media wa ki kot khubor wa poi cha ki chnong ki thaw khnang wa ki paidbah wa boon walang u tip ki rap bha chaphang kani ka Public Hearing.
Da ong wa ini i leh yong ka MSPCB toh wow pyndooh laad ya ki bru yong i wow ya chimbynta ha kani ka Public Hearing neibha wym yoh khubor wei ym tip ki wa daw em kani ka Public Hearing.
Kamtæ da ong wa da em iyi re iyi cha kylla hawa leh ki kamni. Neibhah ka Public Hearing toh neibynta ki paidbah wa boon walang, ki paidbah em ki yei hok wow yoh yutip biangpor lyngba ki laad pathai khubor yong ka jylla yong i khnang wow yoh yutip wow ya chimbynta lada toh u kyrchaan namo u pyrchah ya kani ka Public Hearing.
Ka seiñ da dawa ko na ka MSPCB lyngba u DC yong ka East Jaiñtia Hills District wow pyndooh pyndam ya kani ka Public Hearing wa dadep pynman.
