U Sub-Divisional Magistrate, Amlarem Sub-Division (Civil) Amlarem ha ka hukum wa da pynmih ynne ka 24 tarik da pyntip u wa da em ki manyung wa em kiwa yoh COVID-19 kamjooh wa em leh kiwa em hei maa wow yoh ya uni u khñiang heiwa ha kini ki manyung wa em kiwa em hei maa wow yoh ya uni u khñiang da kyntait ki wow chah Test kamjooh wow chongkset iwa da booh kylla hei maa ya kiwa em chajan.
Kamtæ kam chibynta wow yada yei poor ka khlam hapoh ka chnong, da pynman Micro Containment Area du ya kini ki yung yow khang yei psiah i mih khlem da yoh bor.
Kini ki yung toh i yong ka Khatduh Surong wa em ha chnong Amlanai, i yung ka Milang Khyriem wa ka Planti Pohlong wa em ha ka chnong Pdengshakap wa i yung u Emergency Shylla wa em ha chnong Satpator.
Da hukum wa ki dkhot kini ki manyung ym toh wow mih ki cha lait wei kiwa na baar ym toh wow psiah ki cha kini ki thaw.
Ym chah wow pynman ya kiwon kiwon ki jait yalang paidbah.
U Zonal Officer u man u kam u Supervising Officer kini ki thaw wa da pynman Containment Area.
Kani ka hukum ym krehkaam ko ya kiwa kreh ha ki kaam wa yatoh wa i chait i khiah, ki heh ka Supply Branch u Sub-Divisional Officer (Supply) Amlarem, wa kiwi de ki heh sorkar kiwa leh ya ki kaam wym hoi u dam deilang wa kiwa li booh tadong LPG.
Ki pulit daw uiñ sonteri ki ya kini ki thaw yow pyntikna wa da bood ya ki kyndon ka hukum.
Kiwon kiwon kiwa leh pyrchah daw pynchitom ya ki katkam ka aiñ Disaster Management Act, 2005 wa IPC.
