U Montri Rangbah ka jylla, u Conrad Kongal Sangma da ong u wa i su wa toh u e cha ki Accredited Social Health Activist (ASHA) toh kawa da pynsah nadooh ka sorkar warim, wei i su da sahkut chwa 4 snem chwa wow chimkti da ka sorkar MDA.
Hawa klam ynne ka sngi, u Montri Rangbah da pyntip u wa i su wa da pynlait cha ki ASHA man ki ha u snem 2011 da pynlait T. 10-11 klur, ha u snem 2013 T. 10-11 klur wei hadien itæ ym em de su ha ki 4 snem wei i su nang ku ko man-u-snem.
Da ong u wa toh ha i por wa wan ka sorkar MDA da pynlait boon ka poisa ha u snem 2019 wei da pynlait leh ha u snem 2020 wei ha uni u snem da pynlait T. 56 klur.
U Conrad da pyntip u wa ka sorkar najrong wa da pynlait poisa ko yong ki 3 snem cha ki ASHA, da pynlait leh neibynta ki 4 snem wa da pynsah da ka sorkar warim. Da ong u leh wa neibynta i su kawa sah, ka sorkar daw pyrchang ko wow su noh ha ki kajiak bnai wow wan.
Puræ leh: Da pynlait poisa wow su ya waroh kiwa dang sah yong ki ASHA
