Jowai: Ka Hynniewtrep Achik National Movement (HANM) ynne ka sngi da khang kala ya ka toll Gate ka NHAI kawa em ha Ynñiawmer Pasyih, West Jaiñtia Hills neidaw wym mano ko yei dawa ka seiñ wow chna pynmiat ya ki bynta wa sih khamtam ki thlu wa em ha u sarokbah nadooh na Soomer hadooh Malidor iwa da wanrah chiboon i tyrrah kari.
Ka seiñ da phylla ko wa kammon kini ki Toll Gate ka NHAI ha pyn ar thaw pteiñ ki u khrong dan ki katwa u sarok da sih bha u.
Chooh chooh u Acting President ka HANM Jaiñtia Hills Unit, u Shaniahlang Suchen da dawa joor u wow chna pynmiat ya uni u sarok wei da kylli wa kammon sang ka NHAI pynlai yumut ko du hei wow kamai poisa na ki paidbah khlem kreh pynmiat won ya u sarokbah.
Kamtæ hei yaklam wa u Manager ka Tool Plaza lyngba ka phone da ong u wa ye ki du wow khrong dan katwa i chna ya u sarok won toh i kaamram ka NHAI wa ka sorkar iwa da pynchrai ya ka seiñ heiwa da khrong dan hi-eh na ki paidbah katwa i kreh won ym em ya u sarok.
Ha ini i khang ya kani ka thaw da emlang leh u Ency Shadap, President HANM East Jaiñtia, Lukas Dkhar, President HANM Ladrymbai Unit, Kartik Shadap, General Secretary HANM Narwan Unit wa u Damon Dkhar.
Discussion about this post