Ki dkhot ka Akhil Bharatiya Vidyarthi Parishad (ABVP), Meghalaya da lai yachem ki ya u Lat ka jylla, u C.H. Vijayasankhar yow yaklam ya kiwa boon ki kaam wa chon wa khia hapoh ka jylla Meghalaya.
Neiliang ka seiñ da ong ko wa ki skur wa em hapoh ka jylla khamtam kiwa em cha palatsor toh kiwa jngai na iwi cha iwi i chnong wei wot hadien wa dap 50 snem ka jylla dang duna i em ki College sorkar ha waroh ki District iwa pynbor ya kiwa boon wow lai puræ cha sor wei kitu ki wym ye u pynlut u leh yeini da hap sangeh ki yei lai puræ.
Da yaklam leh yei slem u pynlait ya ka Umbrella Scholarship Scheme iwa da ktah ya kiwa boon ki khynnah wa wan na ki manyung wa dooh wa duk.
Da ong leh wa duna bha kiwa sikai hawa kheiñ yei boon ki khynnah skur nadooh na Primary School hadooh ki Higher Secondary wei ini da jia leh neidaw wa pynslem yei thung kreh.
Ka ABVP da pynsñiaw ko leh yei boon kiwa dam yei puræ puthi chiteiñ por ha ki Secondary wa Higher Secondary neidaw wym biang wym miat kiwa sikai ki wym em da yoh yei pynpliah hawa leh yei kaam ki heiwa boon toh ki wym em pyndep ya ka Diploma in Elementary Education (D.Ed.Ed) wa Bachelor of Education (B.Ed.), kiwa emkaam yow e yei sikai wa paka.
Ka seiñ da ban joor ko leh yeiwa emkaam wow pynlait ya ka tulop kiwa sikai heipor wa biang yow lait u thut i puræ puthi yow ye leh kiwa sikai u im deiwa emburom.
Neiliang u Lat da kular u wow chimkhia yeini yow yaklam wa kiwa toh u pait ya ini i kaam yow pynbha pynmiat yei long i man i puræ puthi hapoh ka Meghalaya.
Discussion about this post