Jowai: Ki Police deilang wa u Waheh Chnong wa u Secretary ka Ladthadlaboh da li tympiah ki ya ki tylla ka yung krehkaam ka Khasi Jaiñtia National Union (KJNU) wa em ha Ladthadlaboh ynne ka sngi hei sakhi lang ki tre yung.
Ha chwa wow leh yeini da phone cha ki dkhot ka KJNU yow wan ki cha kani ka thaw tangwa ym em wa wan.
Ki tre yung da pyntip ki wa nadooh u Naiynñiaw (July) u 2016 ym em de su bai yung ka KJNU iwa chong dor T. 4,000 chi bnai.
Neiliang ki tre yung da pyrchang ki u phah wan ya ki dkhot kani ka seiñ tangwa ym em jooh wan ki wei ha ka 17 tarik u Khonchonglad (November) 2016 ki tre yung da ban tala sa uwi ha jrong yong u tylla ka KJNU.
Da pynmih khubor ki leh wa ya ka seiñ wow wan ki cha khmat tangwa kattæ leh ym em wan ki. Kamtæ da thoh ki cha u SP ka West Jaiñtia Hills chaphang ini wei oo da e hukum wow tympiah ya u tylla kamjooh yow sai noh ya ki waroh ki tiar wa em hapoh kani ka yung.
Neiliang ka dorbar chnong Ladthadlaboh da e por ko ya ki dkhot ka KJNU 15 sngi u wan yachem ko wa u Waheh Chnong.
Da ong wa ki tiar ki tar hadien wa sai wei wa da booh cha lait u man i i kit khlieh yong ka KJNU.
Discussion about this post