U Montri ki kaam pohyung ka jylla, u Lahkmen Rymbui da ong u wa ymtoh iwa suk wow jied ya ki sahep wow chimkti ya i kaam Director General of Police (DGP), khamtam lada ymtoh kiwa da kreh ha kani ka jylla.
Ka jylla ympu yoh ko ya u DGP wa pura katni la kamwa 4 bnai, hadien wa chongngiah noh u R Chandranathan uwa man u DGP warim, wei ya ini i kaam dang chim chipor da ka Special DGP, ka Idashisha Nongrang.
Kam wow kdaw wa ka Union Public Service Commission (UPSC) ha u Thohlakhmi da phah ko ya ki pyrtuid yong ki 3 ngut ki heh pulit wow chimkti ya i kaam Director General of Police ha Meghalaya, tangwa hadooh katni ka sorkar jylla ympu jied ko na kini ki le ngut.
Ki pyrtuid kiwa ka UPCS da phah ko cha ka sorkar jylla kynthup ki ya u Mukesh Agrawal, u K.V. Singh Deo (kiwa man yong u snem 1989 Batch IPS) wa u L. Ram Bishnoi (yong u snem 1991 Batch).
Hawa kylli ynne ka sngi, u Lahkmen da ong u wa ka sokar jylla ym artatien ko yei ye yong ki wow kreh deiwa pynsñiaw wa waroh 3 ngut ympu jooh kreh ki ha Meghalaya, wei man iwa eh bha ya ka jylla wow jied.
