Ynne ka sngi kawa man ka sngi chwa wow pynman ya ka lehkmen Eid-Ul-Fitr yong kiwa ngait niam Muslim, neiliang ki chipai ka Indian Army da e khublei ki ya ki chipai ka Pakistan Army ha khappood kini ki ar ri.
Yeini i e khublei mar kylliang da pynman ha kiwa boon ki bynta khappood ki ar ri khamtam ha Jammu & Kashmir.
Neiliang ki ar liang ki chipai da e khublei ki leh da ki baam-thiang (Sweets) kam ka dak wow lehwarom ya ka Eid.
Ki chipai ka Indian Army da ong ki wa ini i e khublei wan i hadien wa da ye wow wanrah yei chaniah wei chongsuk ha khappood heiwa da em leh i rai wow sangeh u yasiat markylliang hapyrdi ki ar ri.
